रिपोर्टर – नेपाल न्युज लिंक
२८ जेष्ठ २०८१
संस्था स्थापनाको छोटो समयमा नै सामाजिक कार्यक्रम लिईअधिराज्यभर पुग्न सफल क्लब १०२ ले गत शनिवार काठमाण्डौको धुम्बाराहीमा आफ्नो प्रथम साधारण सभा सम्पन्न गरेको छ ।
राष्ट्रिय प्रहरी प्रशिक्षाण प्रतिष्ठानका पूर्व प्रशिक्षक लोक बहादुर गुरुङ प्रमुख अतिथि रहनु भएको उक्त साधारण सभाबाट आगामी २ वर्षका लागि अमर बहादुर कार्कीको अध्यक्षतामा पदाधिकारीहरु चयन भयका छन् ।अन्य पदाधिकारीहरुमा यादवेन्द्र गोपाल श्रेष्ठ – उपाध्यक्ष , अमर प्रसाद गजमेर – सचिव , चित्र बहादुर घले – कोषाध्यक्षमा तथा सदस्यहरुमा प्रेम कुमार श्रेष्ठ , सुञ्जित तामाङ्ग , सन्त कुमार लामा , प्रविण गिरी र विश्वनाथ गौतम रहेका छन् ।
बिगतका दिनमा बिभिन्न कारणले मृत्युवरण गर्नुभएका स्व· महाबिर यादब , स्व· सितल प्रसाद यादब , स्व· सन्जिव सापकोटा र स्व· सूर्यकान्त पण्डितको सम्मानमा १ मिनेट मौनधारण गरी श्रद्दान्जली व्यक्त गरिएको थियो । संस्थाको बार्षिक आर्थिक बिवरण पेश गरी विगतको कामको समिक्षा गरिएको थियो । अगामी दिनमा सबैलाई सहभागी गराउने र राजधानी बाहिर पनि बिभिन्न कार्यक्रम लिएर जान सुझाव आएको थियो ।